影片
更多
2020-10-31
967 瀏覽
繼續我哋文華🏰staycation分享，第二朝本來想係房食早餐，影返張靚靚早餐打卡相，但原來In room Dining嘅選擇比較少，所以我哋都選擇落返餐廳食。.我哋就分別叫左文華早餐同中式早餐，另外仲有歐陸早餐可以選擇，但就會少咗雙蛋。.文華早餐Coffee or Tea有得揀Mocha☕️，都幾驚喜，因為我地試過某啲法國餐廳只會提供Black Coffee或者Latte。.首先就一人一碟鮮果拼盤，無論你叫中式或者西式早餐都會有一碟。鮮果拼盤有各款時令水果，五顏六色都幾開胃。要特別讚一讚佢地嘅哈蜜瓜🍈真係好甜，如果有睇我哋上一個po就會知點解又再講啦！.雙蛋我地就揀咗煙三文魚水煮蛋配英式鬆餅及牛油蛋黃汁，即係Egg Benedict🍳。水波蛋煮得好完美，輕輕一劃，蛋黃就會流出嚟，同荷蘭醬完美融合。中間仲有一塊火腿，配埋煙三文魚、水波蛋同英式鬆餅一齊食就啱啱好，唔會太漏。.精選麵包我地就揀咗牛角酥🥐、丹麥酥同朱古力丹麥酥，牛角酥好香牛油味，朱古力丹麥酥就比較甜啦，👩🏻鍾意依個多啲，👨🏽就比較喜歡丹麥酥。本來一心想試文華出名嘅Rose Jam，但似乎要叫麵包🍞先有，所以好可惜我哋無試到。.
.
我哋就分別叫左文華早餐同中式早餐，另外仲有歐陸早餐可以選擇，但就會少咗雙蛋。
.
文華早餐
Coffee or Tea有得揀Mocha☕️，都幾驚喜，因為我地試過某啲法國餐廳只會提供Black Coffee或者Latte。
.
首先就一人一碟鮮果拼盤，無論你叫中式或者西式早餐都會有一碟。鮮果拼盤有各款時令水果，五顏六色都幾開胃。要特別讚一讚佢地嘅哈蜜瓜🍈真係好甜，如果有睇我哋上一個po就會知點解又再講啦！
.
雙蛋我地就揀咗煙三文魚水煮蛋配英式鬆餅及牛油蛋黃汁，即係Egg Benedict🍳。水波蛋煮得好完美，輕輕一劃，蛋黃就會流出嚟，同荷蘭醬完美融合。中間仲有一塊火腿，配埋煙三文魚、水波蛋同英式鬆餅一齊食就啱啱好，唔會太漏。
.
精選麵包我地就揀咗牛角酥🥐、丹麥酥同朱古力丹麥酥，牛角酥好香牛油味，朱古力丹麥酥就比較甜啦，👩🏻鍾意依個多啲，👨🏽就比較喜歡丹麥酥。本來一心想試文華出名嘅Rose Jam，但似乎要叫麵包🍞先有，所以好可惜我哋無試到。
.
中式早餐
首先就試豉油皇叉燒韮黃炒麵，都有少少鑊氣，但味道就唔係好夠，撈咗少少辣椒醬🌶落去，辣椒醬都幾辣下🤣。
.
粥嘅配料可以揀牛肉、鮮蝦或雞，👨🏽就揀左鮮蝦，碗粥入面有成十粒蝦肉🦐，粥底煮得相當綿滑，另外仲有幾條炸得非常香脆嘅油炸鬼，不過就只係香脆，無咗入面煙軔嘅內涵，唔係我地香港人食開外脆內軟嗰隻油炸鬼。
.
精選點心拼盤(鮮蝦餃、豬肉燒賣、素菜餃、叉燒包)🥢就無咩驚喜，豬肉燒賣、叉燒包同普通酒樓嘅水準無太大分別，而鮮蝦餃、素菜餃個皮就略嫌厚咗少少。另外仲有一碟小棠菜，都正常味道。
.
依個staycation package嘅早餐選擇都比較flexible，所以我地嘅早餐都唔exactly同餐牌一模一樣。Cafe Causette嘅早餐都係正常味道，未算得上係好好食，不過揀得嚟文華東方，大家應該都係對佢地嘅服務有信心，依個價錢就要包埋早晚兩餐都係相當抵住。希望大家係依個疫情下都可以開開心心咁出黎散下心，放鬆一下之餘，都盡量體諒一下前線同服務業人士，唔好帶俾人地太多既麻煩啦，整到人地間房污糟邋遢或者用黎開Party就唔好啦！
.
Follow us on Instagram - Foodastics
張貼
