盈暉海鮮酒家 (已結業)

Staycation 前未食野，我地係第一城落車，就諗住係呢度是旦搵食啦，見到唔使等位就2條友走去飲茶🫖。其實入座前真係無諗過正價、特價分別我地2:00入座，原來2:30入座係計下午茶，唔怪得我地唔使等位啦🙄蠢左唔緊要啦。2個人又唔食得多，叫左我最鍾意嘅韮黃鮮蝦🦐腸，蟹子🦀燒賣皇、蠔皇鴨腳🦆扎、香煎蘿蔔🥕糕、皇有現在茶樓少有的咖哩蒸土魷🦑、同埋買少見少既香滑麻蓉包。實在值得提提的就係麻蓉包而家好少茶樓有lu，流沙包就好多都好出色，但麻蓉包我真係起碼有十年無係酒樓遇上，盈暉既麻蓉包係流心既，同細個時食緊係唔同左啦，味道都唔同左，細個時食既餡係（鞋烚烚😂）而家既餡感覺似係花生醬餡🤔；另外咖哩蒸土魷都係屬於就黎失傳既點心之一，淡淡的咖哩，加埋有2舊薯仔🥔，算唔錯啦👌🏻上菜時間唔算耐，10分鐘內已經到齊曬，我地大約都係坐左45分鐘。臨走時已見到有人龍在等候，因為已到下午茶時段了😂埋單$189，唔算貴啦6樣野，環境都乾淨企理，食物中規中舉。