千鶴日本料理

營業中

休息中

23/12/2021才訂的Staycation怎會想到18/1/2022已經禁晚市堂食，原本吃夜晚，改吃午餐。不過都好，$1800 dining credit 4人吃晚餐應該要補好多錢，午餐剛好。2間房的dining credit 要分開用，即我們4人要拆兩張單。每個午餐都有一個沙律，麵鼓湯，海鮮蒸蛋，雪糕或咖啡茶。沙律好普通，配芝麻醬。海鮮蒸蛋滑但無咩鮮味，也找不到海鮮，內有獅子狗卷，菇，雞肉和銀杏。麵鼓湯也好普通，不過好處是不會太咸。跟鐵板燒的刺身有兩款，夠新鮮。和牛可選厚切或薄切，味道普通，配的炒菜冇鑊氣，比較似水煮。牛柳選了五成熟，但結果是八至九成熟，冇咩牛味，也較淡。鐵板燒餐配的炒飯和炒麵也是很普通。整體刺身質量較好，鮮甜。這便當多野食，刺身新鮮，海蜇入味，天婦羅蝦唔好味，其他幾件天婦羅蔬菜都ok，鐵扳燒鮑魚幾彈呀，燒鯖魚普通。午餐加小食$30，魚干再燒乾小小更好味。午餐加小食$30，鱈魚片是這餐最有驚喜的食物，脆脆的，配檸檬汁或蛋黃醬都好味。雪糕有些冰粒在入面。服務唔錯，大約五成入座率，但大部分安排在窗邊，疫情期間，隔枱較理想。