影片
更多
2015-01-20
4677 瀏覽
又係因為老爺朝早去中環開會，出嚟已12:30，順理成章响度食lunch。上次試咗 L'Entrecôte De Paris Restaurant嘅法國扒，今日嚟呢度試阿根廷菜。Walk-in去居然都有位，環境黑暗走神秘華麗路線。當我望住個餐牌被公司同屋企嘢搞到頭昏腦脹唔知做乜之際，侍應有禮上前推介食物，好快我就揀咗3-course business lunch。麵包籃有個cheese burger食落好似芝士麻糬波波咁，鹹香又夠熱，配埋附上的阿根廷特式香草蘿蔔蒜欖油，微酸微辛好特別。Hot starter要咗Chorizo Sausage (Argentine beef chorizo)，咬落有嚼勁帶肥腴濃郁肉香，底下酸甜的紅椒洋蔥減少滯膩感。Cold starter要咗Tuna Ceviche (Wasabi and soy dressing)， Peruvian style，粒粒黑白芝麻在面加上醬汁及味道，令我諗起吞拿魚醬油漬，味道是好，但食到最底有啲鹹，而且我亦開始因味精反應鼻脹😖Mains要了Bife de Chorizo (served with tomato salad)，
Walk-in去居然都有位，環境黑暗走神秘華麗路線。當我望住個餐牌被公司同屋企嘢搞到頭昏腦脹唔知做乜之際，侍應有禮上前推介食物，好快我就揀咗3-course business lunch。
麵包籃有個cheese burger食落好似芝士麻糬波波咁，鹹香又夠熱，配埋附上的阿根廷特式香草蘿蔔蒜欖油，微酸微辛好特別。
Hot starter要咗Chorizo Sausage (Argentine beef chorizo)，咬落有嚼勁帶肥腴濃郁肉香，底下酸甜的紅椒洋蔥減少滯膩感。Cold starter要咗Tuna Ceviche (Wasabi and soy dressing)， Peruvian style，粒粒黑白芝麻在面加上醬汁及味道，令我諗起吞拿魚醬油漬，味道是好，但食到最底有啲鹹，而且我亦開始因味精反應鼻脹😖
Mains要了Bife de Chorizo (served with tomato salad)，sirloin位，侍應建議medium而廚師拿捏火喉亦剛好，基本上全塊切出嚟都係粉嫩紅色，肉質纖維稍粗但幾腍身易咬開且多肉汁，肉味就唔算好濃，但配埋個蕃茄沙律，同平時食嘅濃味汁醬好唔同。侍應話個阿根廷特式香草蘿蔔蒜欖油襯扒都好味，試過又真係帶起塊扒肉味層次。
由於3-course又多肉(扒200g)已飽，加上趕住返公司，冇食甜品。服務堅掂，介紹食物嗰個侍應全程行過都會同我傾偈睇下客人對食物滿意度。但個鼻持續脹住兼頭痛到夜晚，仲搞到鼻水倒流有啲咳。估計係Hot starter啲腸或Cold starter嘅豉油令我出事。
我都係鍾情La Vache!嗰種脆香濃郁牛味。
張貼
