龍德樓 (已結業)

中午去勝利道買珍珠奶茶，順便食個晏，非龍德樓莫屬，咁多家庭去食，就知道係好野。港式氣氛加中式裝修，感覺不錯。午市套餐連燉湯，都幾抵食。是日燉湯木瓜雪耳燉豬，材料豐富，仲有馬蹄、雞腳，味道清甜而濃郁，感覺很有膠質，非常可口。椒鹽煎肉餅飯($65)的肉餅夠厚，煎得好香，唔會好鹹。肉餅也很扎實，冇咩肥肉，唔會好油，非常好味。蒸飯有嚼勁，不俗。水晶菜苗餃($26)的豆苗爆滿，加碎蝦肉，美味。醬皇蒸鳳爪($24)ok。拉絲芝士鮮蝦春卷($32)，春卷脆脆的，cheese好厚也很chewy，但蝦子有點小。自家XO醬炒蘿蔔糕($32)的XO醬偏辣，炒得多油，可以再炒碟麵。