Italian Tomato Café (創紀之城五期(apm))

營業中

休息中

一去到夏天，就好期待食水果，水果除左健康，有D仲好適合解暑。今日去到apm，見到Italian Tomato新出左Summer Breeze系列嘅蛋糕，仲用新鮮嘅水果整成，就買左個試下，價錢都幾抵。今次Summer Breeze系列主打健康為主，又可以食到好嘅野，又可以保持下健康。今次揀左依個血橙茉莉慕斯蛋糕係因為佢係美白之選，美白對女仔黎講好重要，特別係夏天嘅時候。佢面頭有橙肉同忌廉，橙肉食落好甜，而忌廉有淡淡嘅橙味。而裡面係特濃朱古力蛋糕夾住黑朱古力脆脆，鍾意朱古力嘅朋友一定好鍾意，佢有好多層都係朱古力味，包括蛋糕同慕斯。最驚喜嘅係中間有層血橙果蓉醬，出面嘅橙果醬好難食，但依個醬食落唔錯，有甜甜嘅橙味，同朱古力蛋糕好夾。