影片
更多
2015-11-09
721 瀏覽
放工個個都忙，成日約來約去約唔到，最後約左星期日出嚟食all day breakfast.....點知 …約四個人，有兩個爽約……唯有我地撐枱腳啦！今日我地隨着Openrice選左呢間，Petit Deli,因為地理位置幾好，響正K11隔離，又近isquare,食完可以行下街～都話食All Day Breakfast ,就叫左珍寶早餐(HKD 138)餐跟埋的意大利雜菜湯太好了！呢度選用了牛肉腸， 口感很好，唔太硬又唔軟，腸又唔會太咸，夠粗，啖啖肉。我較喜歡食呢個Grill Tomato,煎得唔太燶之餘又可食到香口既蕃茄。夠大個，多汁又夠甜。薯條超正，炸得香脆之餘，薯條上面灑上香草同紫菜，條條惹味。蛋班尼迪，煮得剛剛好，切開蛋係流心，加上下層的煙三文魚同自製包一起食，由於三層的食物質地偏“淋”，幾夾。上層和最低層味道偏淡而夾住偏咸的煙三文魚，互相配答。韓式辣醬闊麵伴炸雞 (HKD 148)平時我會嫌闊條麵又粗又厚唔夠重口味只食到澱粉質， 呢度個麵夠晒味，全因個汁煮得好厚身，除咗辣味同有少少甜酸味，除左似辣式辣醬外，仲似泰式辣醬咁惹味，可惜我有啲喉嚨痛不能食太多炸雞，只食左一件，有少少肥
放工個個都忙，成日約來約去約唔到，最後約左星期日出嚟食all day breakfast.....點知 …約四個人，有兩個爽約……唯有我地撐枱腳啦！
今日我地隨着Openrice選左呢間，Petit Deli,因為地理位置幾好，響正K11隔離，又近isquare,食完可以行下街～
都話食All Day Breakfast ,就叫左珍寶早餐(HKD 138)
餐跟埋的意大利雜菜湯
太好了！呢度選用了牛肉腸， 口感很好，唔太硬又唔軟，腸又唔會太咸，夠粗，啖啖肉。我較喜歡食呢個Grill Tomato,煎得唔太燶之餘又可食到香口既蕃茄。夠大個，多汁又夠甜。薯條超正，炸得香脆之餘，薯條上面灑上香草同紫菜，條條惹味。
蛋班尼迪，煮得剛剛好，切開蛋係流心，加上下層的煙三文魚同自製包一起食，由於三層的食物質地偏“淋”，幾夾。上層和最低層味道偏淡而夾住偏咸的煙三文魚，互相配答。
韓式辣醬闊麵伴炸雞 (HKD 148)
平時我會嫌闊條麵又粗又厚唔夠重口味只食到澱粉質， 呢度個麵夠晒味，全因個汁煮得好厚身，除咗辣味同有少少甜酸味，除左似辣式辣醬外，仲似泰式辣醬咁惹味，可惜我有啲喉嚨痛不能食太多炸雞，只食左一件，有少少肥，同唔夠酥脆。
食完之後我點左杯咖啡，夠香濃，奶泡夠滑，但我都request多左杯奶仔，我鍾意淡少少，佢地俾的奶都係熱的。
我地每人都跟餐加左甜品，我就加左 Tiramisu,朋友就加左亞熱帶奶凍。Tiramisu好thick ,有咖啡味之餘，仲有少許酒味，但如果cheese味再强啲就perfect la~連蝴蝶都被吸引住！
Monkey 食完Tiramisu又搶住食朋友的亞熱帶布甸, 係士多啤梨同荔枝汁造成的topping~
呢度坐得舒舒服服，服務好，最重要的係我地傾到四點幾都無被人趕走呢……張貼
