影片
更多
2020-08-31
165 瀏覽
番左成個星期工，星期六抖完星期日終於出動約好耐冇見既朋友食個靚 brunch 啦~位於 SAV 酒店入面既 Moriesh 比G起觀塘分店裝修得更靚，有pub 既感覺，weekend 加錢就有得任飲酒，真係好有假日 feel 。既然weekend 黎緊係要睇下 weekend brunch 啦，有好多款式，沙律，pasta, steak, 甜品既 main 都有，我哋就揀左 French crepe呢 set 加豆腐 cheesecake. 另外a la carte pasta 同 canada chop steak.落完野食就落飲品，mocktail blueberry squash 飲落似橙汁，但用左 homemade blueberry sauce 睇落都幾有層次，如果 sprite 改做 soda water 冇咁甜就好啦，但都幾好飲。朋友落左杯cocktail ，真係幾重茶味 Earl grey。慢煮柚子加拿大豬鞍豬鞍好厚身，但肉質有口感得黎係易入口，加埋邊邊位既豬油食落有燒肉既味，如果你敢食脂肪係好甘香，好欣賞醬汁有柚子清香得黎酸酸甜甜解膩，烤薯仔同伴菜都煮得剛好，保留濕度
位於 SAV 酒店入面既 Moriesh 比G起觀塘分店裝修得更靚，有pub 既感覺，weekend 加錢就有得任飲酒，真係好有假日 feel 。
既然weekend 黎緊係要睇下 weekend brunch 啦，有好多款式，沙律，pasta, steak, 甜品既 main 都有，我哋就揀左 French crepe呢 set 加豆腐 cheesecake. 另外a la carte pasta 同 canada chop steak.
落完野食就落飲品，mocktail blueberry squash 飲落似橙汁，但用左 homemade blueberry sauce 睇落都幾有層次，如果 sprite 改做 soda water 冇咁甜就好啦，但都幾好飲。
朋友落左杯cocktail ，真係幾重茶味 Earl grey。
慢煮柚子加拿大豬鞍
豬鞍好厚身，但肉質有口感得黎係易入口，加埋邊邊位既豬油食落有燒肉既味，如果你敢食脂肪係好甘香，好欣賞醬汁有柚子清香得黎酸酸甜甜解膩，烤薯仔同伴菜都煮得剛好，保留濕度唔會食到口干。
煙燻意大利風干肉carbonara
轉左手工闊條面，真係好有口感，少少煙韌得黎有啲麵粉香，一定要轉! 醬汁好掛面，香濃奶油味配上充滿秋冬氣息既風干肉，味道似 bacon 但口感似多汁豬肉干，冇嗌錯。
法式薄餅
連埋雪糕同 cream 食係幸福既感覺，每塊都整得好薄，完美融合楓糖醬。
最後就係豆腐芝士餅，幾有豆腐味，試下都 ok。
呢餐由12點半食到3點，因為餐廳環境舒服，又冇咩人，大家都食得開心傾得愉快。
張貼
