影片
更多
2024-12-03
498 瀏覽
中午一點前嚟到，仲有 lunch K，$108起（另加一），唱到3點，包午餐加兩杯無酒精飲品。斧頭豬扒，蒜蓉汁，薯菜，餐湯，牛角包（$139）賣相唔錯，質素亦唔差。首先餐包唔係hea嘢，係牛角包；餐湯係蘑菇忌廉湯，超多蘑菇片，忌廉湯亦creamy；斧頭豬扒好大件兼且夠厚身，煎得唔錯，係肉質腍咗啲（鬆肉粉過多？），薯條夠熱夠脆。青咖哩雞飯（$120）青咖哩味道唔錯，小辣，雞係用雞翼槌，有5舊，份量算多，白飯一大碗。真心覺得食物質素唔差，可能仲好過不少茶餐廳。至於K房，估唔到倆條友竟然俾咗間大房（可能因為晏去，啲細房中房已經派哂），有三個電視，兩個panels，獨立廁所，咪都有六個。房內環境感覺良好，無怪味，乾淨企理。最後，唱K最重要，當然係啲歌啦。雖然未至於新歌首首都有，亦有好多歌手都無（如華納歌手：陳蕾、MC、洪嘉豪、Nancy...，其他如：Serrini、JC、周殷廷...），就算有，好多新歌都無，比較有啲可惜。最後埋單連加一$285，有嘢食，有嘢飲，玩咗兩粒鐘多啲啲，都係一個唔錯嘅節目。
斧頭豬扒，蒜蓉汁，薯菜，餐湯，牛角包（$139）
賣相唔錯，質素亦唔差。首先餐包唔係hea嘢，係牛角包；餐湯係蘑菇忌廉湯，超多蘑菇片，忌廉湯亦creamy；斧頭豬扒好大件兼且夠厚身，煎得唔錯，係肉質腍咗啲（鬆肉粉過多？），薯條夠熱夠脆。
青咖哩雞飯（$120）
青咖哩味道唔錯，小辣，雞係用雞翼槌，有5舊，份量算多，白飯一大碗。
真心覺得食物質素唔差，可能仲好過不少茶餐廳。
至於K房，估唔到倆條友竟然俾咗間大房（可能因為晏去，啲細房中房已經派哂），有三個電視，兩個panels，獨立廁所，咪都有六個。房內環境感覺良好，無怪味，乾淨企理。
最後，唱K最重要，當然係啲歌啦。雖然未至於新歌首首都有，亦有好多歌手都無（如華納歌手：陳蕾、MC、洪嘉豪、Nancy...，其他如：Serrini、JC、周殷廷...），就算有，好多新歌都無，比較有啲可惜。
最後埋單連加一$285，有嘢食，有嘢飲，玩咗兩粒鐘多啲啲，都係一個唔錯嘅節目。
斧頭豬扒，蒜蓉汁，薯菜，餐湯，牛角包
$139
84 瀏覽
0 讚好
0 留言
青咖哩雞飯
$120
217 瀏覽
0 讚好
0 留言
題外話/補充資料：
太耐未唱過K，都唔知依家唱K要俾身份證登記
(以上食評乃用戶個人意見 , 並不代表OpenRice之觀點。)
張貼
