Awfully Chocolate (已結業)

飲完茶唔夠飽，心郁郁走去食甜品。近近地走去AWFULLY CHOCOLATE。原本想食雪糕，點知賣晒。叫左個燉蛋黎食。未食已經聞到陣陣好香朱古力味湧出黎，食落個TEXTURE真係好好好好好滑，蛋味夾雜朱古力味估唔到有幾MATCH。雖然我都鐘意食甜品，不過唔好太甜。呢個對於我講真係幾甜，食完要飲水。如果怕甜人士呢個甜品未必啱你，但如果食得甜，真係可以試下呢個。買野食其間，SALES姐姐比左少少白朱古力蛋我試，開頭心諗以為會好甜，但食入口又唔覺，仲好香，下次有機會要再試。