湯品小棧 (已結業)

之前聽朋友介紹過呢間入選為米之蓮街頭小食嘅湯品小棧，咁啱媽咪話最近加班好攰，就帶佢黎呢一間度飲番個靚湯補補身瑪卡湯＄36餐廳介紹佢嘅功效係消除疲勞，補充精力，仲可以改善女性疾病例如白帶同不孕嘅問題，聽落都幾吸引。啲湯係一盅咁上嘅，份量都幾多，一個人飲晒佢真係會飲到肚都脹，抵飲過鴻福堂嗰啲。個湯嘅味道好濃之餘又唔會油膩， 冇乜油浮喺面層， 感覺比平時媽咪煲嘅老火湯仲健康而瑪卡食落去就有少少似煲湯嘅淮山飲到一半，我就加左另上嘅米線落個湯度一齊食。（跟湯＄5，跟湯就＄10）哈哈我諗呢個係我食過最健康嘅米線米線份量都幾多，所以最後我係食唔晒嘅呢到可以加配唔同嘅小食，價錢都唔貴～（唔跟湯既話價錢需要另加＄5）溏心鹵雞蛋＄10鹵水蛋雖然聽落簡單，但要整得好食其實都有一定嘅難度，呢間餐廳就做得唔錯，蛋黃係半熟流心微稠的， 浸鹵水既時間啱啱好，上到色之餘又唔會過鹹同埋浸硬蛋皮，為上佳之作黑松露蒸蛋＄23啲蛋蒸得好滑，而且真係好香黑松露味，但佢又唔會搶咗本身蒸蛋既蛋味。呢一個份量比較細，同媽媽每人三兩啖就食晒喇～