Moreish & Malt (蕪湖街) (已結業)

以前覺得西餐要坐係餐廳度食先最開心。疫情下，政府禁止堂食，好耐冇食西餐，超想食😫而咁啱外賣又有優惠，不如買黎試下先😜！經過酒店大堂上一樓，就到左呢間Moreish Malt啦，餐廳環境都唔錯，整體感覺光猛舒適，有機會都想黎多一次堂食。⭐墨西哥芝士牛肉醬配油炸鬼88芝士牛肉醬有濃郁既芝士味，食落係升級版既肉醬意粉上面d醬。配上香脆既油炸鬼，特別得黎又有驚喜🤭⭐經典自家製牛肉漢堡148牛肉餅有1.5cm-2cm 厚，分量令人滿足😍！肉餅煎到半生熟，咬落有肉汁，配上不算太濃郁既醬汁，食到食材原味。個包有烘過，咬落軟腍，係我style。不過比起漢堡包，我更喜愛配菜薯條。呢度既薯條唔知點解有種獨特既香味，食落同普通薯條完全唔同，超級正🥺⭐慢煮柚子加拿大有骨豬鞍258慢煮豬鞍好厚肉，由於係慢煮，內裡香嫩多汁🤤完全唔鞋。而豬鞍的外層亦有煎封，豬鞍外層香脆，油脂豐富，肉味濃厚。旁邊配上柚子醬汁簡直令人驚喜！🤩🤩⭐香港製啤酒48呢兩款啤酒都幾好飲，一款花香味濃，另一款有麥味，其實香港釀造既啤酒真係質素不錯呢！呢間餐廳帶比我好多驚喜，就算外賣都係咁好食，而且賣相都吸引。有機會真係會再黎堂食一次呀！