翠華餐廳 (已結業)

今日早收工，於是老公去行吓耗資5千萬嘅觀塘海濱花園音樂噴泉，點知天不做美落大雨，於是就跑入去海濱道77號避下雨顺便去洗手間，路過見到翠華廣告牌就諗住坐低食啲嘢避雨，原來Tsui Wah唔係茶餐廳，係fusion餐廳，環境舒服，Menu日弍，韓式，西式，服務員非常有禮貌，耐心地為我們介紹食品，我同老公都唔係好肚餓，為純粹為咗避雨先至坐低，我哋每人叫咗一個沙律，老公食凱撒雞肉沙律，我食大蝦柚子汁沙律，老公飲蛋白杏仁茶，我飲玫瑰柚子茶，另外share咗一個海鮮天使麵意粉。水準係西餐廳扒房的水準，但係係茶餐廳嘅價錢，性價比高，有下次😊