LIFETASTIC Patisserie (又一城)

營業中

休息中

這是個混亂嘅時代, 而當我幾年前在電視上見某些美食節目介紹在澳洲有人用西瓜做夾心蛋糕。感覺是蠻奇怪的。 無幾耐之後香港開始有了這間賣西瓜夾心蛋糕嘅餅店。 自己亦差不多兩年後才初次試食。 西瓜同玫瑰花水嘅混合成一種唔太似食物嘅香氣。 而西瓜雖然是有汁但又未致令底層杏仁蛋糕濕淋淋的。 吉士忌廉只有適量嘅甜度, 面層嘅玫瑰花瓣增添整體完整性。而近期因為有85折優惠亦試了另一款 - 青森富士蘋果焦糖蛋糕。這個都是另一款變奏, 同樣焦糖沒有太甜而蘋果着實也不酸, 似富士蘋果的甜。 又帶點點的乾身口感。蛋糕面嘅蘋果乾係同玫瑰花瓣有異曲同工之妙。總結兩次經驗, 蛋糕價錢雖然有點偏高, 但質素相對亦高。招牌嘅西瓜蛋糕幾近無可挑剔。