明記甜品 (吳松街) (已結業)

最近成日睇好多韓劇同埋日劇，好羨慕入面啲女主角點解可以食咁多又靚又好食噶甜品，但係又唔會好肥，於是我決定帶埋吖A過嚟試下！！椰汁西米露，味道算唔錯，畢竟價錢唔貴可以做到咁，真係算ok！西米露好香好滑，不過椰汁噶味道就稍微淡咗些少。芝麻糊糖丸，芝麻糊甜而不膩，甜度啱啱好，入面仲有好多小丸子，口感好特別！豆腐花，好滑吖，我自己就鐘意落薑汁，同其他甜品鋪噶豆腐花應該差唔多。我最鐘意食呢度噶番薯糖水，好多番薯，啲番薯仲好淋添~~，糖水好甜同番薯一齊食簡直系絕配吖！！