Bondi (已結業)

因為契仔契女就黎生日，同事介紹我去觀塘某工業大廈買禮物，Trendyland開倉，我都掃左唔少XD，臨走時要搵食，望望，見到有塊好大既Sydney牌，老公八卦走去睇，原來係餐廳黎架！拎住咁多野，費時行啦，今晚就呢度開餐！餐廳布局係一般西餐廳，位與位之間好闊落，坐得幾舒服。老公話d dinner set唔岩食，咁我地就散叫~餐前黎個小食先，意大利風乾火腿伴哈蜜瓜，本身想叫第二個架，但老公好想食哈蜜瓜~哈蜜瓜爽口又甜，又夠凍！火腿好薄切，每片都帶著濃郁既咸味，我最初覺得好咸，咸到直頭要咪起眼，但之後配埋哈蜜瓜，中和左個咸味，反而覺得好香。火腿油份唔多，又香又濃！冷氣都幾凍，叫左杯熱朱古力，朱古力等左15分鐘先黎，原來有個靚拉花，好有心思，又靚~個拉花好似孔雀開屏咁，靚到我都哈捨得飲，我同佢影左好多靚相先捨得飲呀！朱古力暖笠笠，有好香濃既朱古力味，又滑，甜度適中！海鮮意大利飯: 呢個係是日精選，餐牌無的。配料有帶子，大蝦，鱸魚。帶子好鮮味，雖然係熟既，但仍然有新鮮帶子既味，好滑好結實飽滿，熟既帶子平日好似一絲絲咁，但呢個係一大舊肉，好滑的。蝦都係一般味道。反而爐魚好好味，油份唔多，煎得香皮脆