Table

營業中

休息中

今晚想食西餐，經過呢間Table cafe，剛好見到有位， 即時進入開餐囉🍴。餐廳環境光猛坐位舒適，食物多選擇，叫主菜加錢可升級套餐同小食。波士頓龍蝦冬蔭功汁扁意粉，有鮮味龍蝦半邊，肉質有彈性，醬汁惹味酸中帶辣，扁意粉有彈性，令人食得開胃。北海道刺身帶子海膽汁意大利粉，北海道刺身級嘅帶子，厚身有彈性，味鮮入口嫩滑，海膽醬汁帶咸香濃，意粉煮得軟硬適中又掛汁。加$38有是日餐湯，磨菇湯creamy熱度剛好，配搭煙靭手工酸種麵包，香蒜跟牛油味十足。加$28胡麻醬秋葵，秋葵新鮮清脆，配埋胡麻醬更正。凍玫瑰奶蓋咖啡，帶點微微玫瑰香氣，唔會太甜幾好飲。凍水果茶加椰果，清新美味。