Little Break Coffee & Kitchen (已結業)

星期日嚟到中上環之行，行到天黑嚟到 little break，咁就食餐飯take a break啦。鋪頭好似係新開的，裝修幾靚又光猛。張MENU幾得意餐湯個名好架勢，係黑松露薯蓉忌廉湯，配藍芝士黑椒軟法包。黑松露味好香，加埋薯蓉都唔太杰身，法包好軟身，加埋啲黑椒味點湯食一流。本身想食牛扒，但店員推介燒美國有骨豬鞍扒配蜜糖芥末汁。用格網燒得香脆，肉質嫩滑唔韌，蜜糖芥末汁味道唔太出，甜甜辣辣咁點綴下又唔錯。鬼死咁熱，飲返杯凍green tea latte，綠茶味都幾濃，融咗冰都唔會話好淡。收錢嘅係一本書原來荔枝角都有，下次去呢間好似方便我呢啲新界人多啲呢。