K-TOWN Bar & Grill (已結業)

難得可以同兩個fd一齊番工，做得甘辛苦，放工緊係落西環食好野chill 一chill，叉番個電。宜加堅尼地城開左好多西餐廳，cafe同bar，今次選左呢間近地鐵站，方便大家食完搭車走。忙左一整個朝頭早冇停過手，我地3個都餓到肚都扁，要食番啲澱粉質。炒蟹肉意粉蟹肉嘅份量好足料，意粉嘅軟硬度剛剛好，蒜蓉香草味好夠，令我地食到唔停口。Parma ham pizza由於其中一位係Parma ham 嘅fans，所以叫左呢個pizza。除左ham之外仲有啲腸仔，食落感覺有啲heavy，而且係厚批，所以好飽。整體感覺店內嘅裝修好令人舒服，有種悠閒嘅感覺，的確幾適合我地搏殺完落嚟食野吹下水講下事非，係忙碌嘅工作後有一個喘息嘅空間。