Tapa Room (積福大廈) (已結業)

誤打誤撞搵到間好嘢，西班牙菜式好多時都要多人分享，最基本嘅西班牙海鮮飯，一般份量為5-6人，但呢度只需二人就ok，唔好睇呢度成間酒吧咁，佢嘅食物絕對係有水準，外賣返到屋企凍晒但仍然好味。🥢西班牙海鮮鍋飯 $188⭐️⭐️⭐️⭐️一打開盒只見到好多海鮮，飯完全被遮蓋，全部海鮮都有鮮味，最好味係蝦，而魷魚就無味，不過蘸沙律醬就變得好好味，而飯就吸收晒所有海鮮精華，超級好味，兩個人食一鍋飯份量剛好。🥢烤煮慢煮西班牙黑毛豬鞍架配些厘醋燒汁伴炸薯粒 $158⭐️⭐️⭐️⭐️豬鞍厚切肉質夠腍唔乾唔鞋，配上呢個醋燒汁變得更香更惹味，仲要一讚迷你薯粒炸得超好味又唔油，完全吸晒燒汁味道，好味到要搶嚟食！二人共消費：$260