Mo Mo Kushiage (已結業)

朋友揀左呢間居酒屋同我食生日飯，話岩晒鍾意飲返2杯既我地。朋友book左19:30，店員安排我地坐係靠窗位置， 個景咁靚，當然立即揀返枝酒飲下輕鬆下。原來餐廳做緊優惠，生啤買一送一，sake 300ml會照價減$50，700ml買一送一。店員推薦後，我地揀左枝作直汲原酒， 無濾過清酒。枝酒味道清爽順喉易入口，又有淡淡果香，冷飲真係一流。前菜蔬菜條，配返餐廳提供既醬汁，幾開胃餐前小食叫左個燒魚翅。燒魚翅唔係周圍都有得食，見到幾特別就order黎試下。魚翅燒得香脆又好惹味，送酒一流食完前菜就緊係叫返啲餐廳主打串揚試下啦。梅水晶咸咸酸酸脆脆好開胃鵪鶉髀肉 &日本鱔魚啖啖肉又唔會炸到太乾身，鱔魚彈牙👍🏻真心唔錯。鯡魚子昆布&荷蘭豚肉卷鯡魚子炸過好香口，咬落一粒粒脆脆咁，幾得意。豚肉卷燒得幾好，咬落幾juicy 。餐廳野食唔錯，又可以飲返杯，岩晒想慢慢傾吓偈既朋友。