美味故事 (已結業)

好耐之前已經覺得呢間餐廳個名好特別，因為佢叫Tastory,我就估佢背後應該有一啲故事。聽起上黎好似好浪漫，於是今日我就同一班姊妹去食。入到餐廳，我地坐咗係窗邊，類似日式他他米的座位，不過佢係有得比我地放腳落枱下面的，坐得好舒服，傾計好自在。我地每人都點咗份set dinner. 先黎鮮果沙冰，食得出用咗菠蘿、芒果鮮榨出黎，好熱帶既味道南果湯打得好好，夠結身，食得出絕對唔係溝水既頹貨。前菜有紫菜雞卷，麻醬蟹柳沙律，蒜蓉包，香噴噴呢！沙律夠慷慨，食極都有好開心！要讚下佢個紫菜雞卷，好好味好滑啊我叫咗慢煮豬鞍，上到枱香噴噴呢！好喜歡佢慢煮的肉可以鎖住肉汁，豬鞍仲好嫩啲肉唔會變乾到一絲絲，好有水準！甜品係北海道奶凍，好creamy我地點咗洛神玫瑰花茶做餐飲，夠晒養生，佢仲有個隔可以將茶包放出黎先飲，夠晒方便美味故事唔係果啲食完就趕你走既餐廳，基本上佢係一道一道出食品，等我地慢慢細味食物，又可以分享彼此既故事，係呢度食飯好舒服，係一間好有理念既餐廳