Jacky's Kitchen (已結業)

一向都鍾意小店。一來想支持下。二來會較易有驚喜。小店走法式餐館路線。lunch set比同區餐廳定價貴。牛扒set更加係貴50%。所以決定試一試。叫左洋蔥湯。西冷牛扒(medium)。凍咖啡。洋蔥湯面芝士法包好吸引。洋蔥湯清配上咸香芝士。可惜牛排就好失望。雖然牛扒夠厚份量大。不過叫medium結果接近well done。咬到牙都軟。燒汁微辣充滿燈籠椒味同有陣tabasco味。太搶味唔太夾。凍咖啡奶同糖水分開上。呢啲細節位加分。steak set $168+10%。相信同區會有更高性價比選擇。不過餐廳食物presentation唔錯。著重細節。服務又主動。值得再黎支持試下其他main course。