TC2 (Tea Coffee Two) (已結業)

同家人去咗太子嘅TC2食晚餐，我哋叫咗幾份套餐再加小食，不過因為意粉類感覺麻麻，就唔特別講喇。煙三文魚沙律，啲菜都幾新鮮。鮮果沙律，呢份就跟套餐嘅，不過都唔細份，同埋冇話出晒水咁，唔似係整定放入雪櫃嗰種。小食拼盤，有墨西哥辣汁粟米片、餃子雞翼、台灣腸同炸薯角，成碟都係香口炸嘢，都幾邪惡。三色焗薯皮，即係分別釀咗洋蔥火腿、蛋沙律同吞拿魚嘅焗薯皮，同之前啲小食比明顯唔係太出眾，不過入面啲餡都幾多，睇得出唔hea。木糠布甸，其實仲叫咗其他甜品，不過呢款係最眼前一亮，木糠餅碎同煉奶忌廉嘅比例適中，又唔會甜到漏。