小茶堂 (已結業)

今日預左有排做 但係最近飲得太多咖啡 唔想日日飲 正當諗住搵間便利店買d野飲時 但就見到呢間台式飲品店 好開心呀我特登買左多兩杯比埋我其他同事飲 費事比佢地偷飲我杯野😂〰️黑糖珍珠奶茶〰️$21最近瘋狂愛上珍珠奶茶既我又點會唔飲呢 黑糖漿已經圍滿整個杯邊啦 又係要搖暈先飲啦 雖然黑糖漿望落去好多 但係又唔算好甜 咁就啱啱好啦 又唔會遮蓋晒黑糖既味〰️芝士奶蓋抹茶鮮奶〰️$29朋友最愛綠茶食品 呢杯就最啱佢啦 面層厚厚既芝士泡沫 唔算好濃味 與綠茶味好夾 好清新〰️益力多奶蓋烏龍皇〰️$26 茶味中帶點益力多既味 味道出奇地match 記得要叫小冰呀 咁樣味道濃d