等 (已結業)

今日約了很耐無見的朋友傾計，見呢度舒服，雖然訂咗位仲要平日，但都未能安排卡位，但錯有錯著，四人枱的椅冇咁高，反而坐得幾舒服。而且我地3點開始入坐，初時有lunch未食完的客人，後來就冇咩人，環境舒適。講下嘢食，我地先叫了薯條同沙律，一杯Americano, 一壺花茶，薯條即整同夠粗，唔油，好味，而且有3款醬汁選擇。沙律就正常。食完後我地仲encho咗是日cheese cake。芝士味濃而滑，值得推介！