The French Window (已結業)

約左超級閨蜜tea一tea，揀左位於IFC既The French Window，沿着一條長走廊走入去，入到盡頭就係餐廳啦。因為係對住海邊，所以景觀好開陽，而且仲望到摩天輪，真係非常適合約埋三五知己一齊享受下午茶的時光。我哋目標清晰，就係為咗食tea set而來。tea set 係一個櫃桶黎，上面擺放甜點，而拉出櫃桶就會見到鹹點。鹹點甜點各五款，賣相唔算特別靚，不過不失啦。鹹點味道唔錯，但係甜點就相對上令人失望，冇精緻嘅蛋糕或者果凍，而係一啲普通嘅甜品。而且tea set沒有包含scones，如果需要食scones就要另外order。最滿意嘅反而係最後嘅雲呢拿雪糕配士多啤梨醬，本來覺得唔會有咩特別，但係反而覺得最好食。overall 黎講覺得一般般，可能期望太高。