影片
更多
2022-02-11
816 瀏覽
📍 𝐂𝐨𝐮𝐩𝐥𝐞'𝐬 𝐊𝐢𝐭𝐜𝐡𝐞𝐧呢間餐廳睇人推介就多，之前想食佢有冇開，今日終於可以約埋朋友一齊食啦🤭之前見佢下午茶Tea set勁抵所以一直就book mark左😆提提大家可以選擇去到嘅時候坐沙發卡位，房間入邊嘅白色牆打卡會靚啲😝我望到餐牌嘅時候發現好多嘢食都係百零二百蚊，心諗都覺得其實唔算話好抵😮💨有好多普通嘅意粉出邊都係賣緊$100都唔使，所以我哋就打算叫啲特色啲嘅嘢或者出邊好少食到嘅嘢🤭🔸Afternoon Tea set $208-英式提子鬆餅+糖漿鬆餅都幾大嚿嘅不過就偏乾身、硬、凍，乾爭爭唔太想食😮💨-檸檬慕絲蛋糕檸檬味幾重，細細舊可以切開同朋友分享👍🏻幾Fresh-伯爵茶慕絲蛋糕唔係好食得出伯爵茶味，只係食到甜甜地嘅慕絲🥲-松露朱古力蛋糕有勁濃嘅朱古力味嘅不過就冇乜松露味😂-柚子芝士慕絲蛋糕反而呢個柚子芝士蛋糕就幾出色，好開胃。柚子味好香，芝士好creamy👍🏻-馬卡龍有四款唔同嘅口味😝我記得淺啡色嗰舊有少少藥水味，綠色個舊味道唔太重。反而粉紅色個舊就重莓果🍓-薯仔大蝦沙律即刻已經剝好哂殼掛左係杯邊，方便食用🤭薯仔都切好一粒粒，上面有少量沙律菜如果可以切細啲撈埋一
呢間餐廳睇人推介就多，之前想食佢有冇開，今日終於可以約埋朋友一齊食啦🤭之前見佢下午茶Tea set勁抵所以一直就book mark左😆提提大家可以選擇去到嘅時候坐沙發卡位，房間入邊嘅白色牆打卡會靚啲😝
我望到餐牌嘅時候發現好多嘢食都係百零二百蚊，心諗都覺得其實唔算話好抵😮💨有好多普通嘅意粉出邊都係賣緊$100都唔使，所以我哋就打算叫啲特色啲嘅嘢或者出邊好少食到嘅嘢🤭
🔸Afternoon Tea set $208
-英式提子鬆餅+糖漿
鬆餅都幾大嚿嘅不過就偏乾身、硬、凍，乾爭爭唔太想食😮💨
-檸檬慕絲蛋糕
檸檬味幾重，細細舊可以切開同朋友分享👍🏻幾Fresh
-伯爵茶慕絲蛋糕
唔係好食得出伯爵茶味，只係食到甜甜地嘅慕絲🥲
-松露朱古力蛋糕
有勁濃嘅朱古力味嘅不過就冇乜松露味😂
-柚子芝士慕絲蛋糕
反而呢個柚子芝士蛋糕就幾出色，好開胃。柚子味好香，芝士好creamy👍🏻
-馬卡龍
有四款唔同嘅口味😝我記得淺啡色嗰舊有少少藥水味，綠色個舊味道唔太重。反而粉紅色個舊就重莓果🍓
-薯仔大蝦沙律
即刻已經剝好哂殼掛左係杯邊，方便食用🤭薯仔都切好一粒粒，上面有少量沙律菜如果可以切細啲撈埋一齊就更加好😚
-脆薯條
薯條比較粗身，熱辣辣🔥保證係即叫即炸💁🏻♀️
-花椒麻辣炸雞翼
初頭我冇仔細望Menu，直接等個set到左就開餐。第一舊食嘅就正正係呢舊雞翼。食落去有少少驚喜😍心諗點解會辣辣地原來係花椒麻辣炸雞翼，雞翼得一條骨，容易食用。炸得非常香脆可口，但一啲都唔油膩😋
-煙三文魚班㦸卷
呢個班cake同三文魚係黐到實一實咁樣捲埋一齊，食落去其實都幾飽😆
-芝士雜菌焗酥盒
覺得香脆，不過食落冇咩芝士味😂勝在細細粒可以一啖食得晒😋自己本身都幾鍾意食呢一種酥盒，所以覺得好好味😆
🫖奉送一套花茶座（玫瑰洛神花茶
餐廳用咗一個好靚嘅雀籠茶架去放起啲茶杯同埋茶壺😍打卡勁靚，所有嘅杯杯碟碟都係用返雲石紋嘅設計。二花茶嘅茶壺係透明可以見到超級足料🤩有滿滿嘅玫瑰花粒、杞子…….呢壺茶都幾消滯😌
🔸 意大利拉齊奥煙豬面&黑松露卡邦尼意粉 $92
個名好似幾威水咁其實我覺得只係煙肉碎配黑松露卡邦尼意粉🤣，黑松露味其實真係幾重，好香😍意粉雖然好掛汁但係有啲硬🥲呢個餐仲配左餐湯同埋麵包。分別係南瓜忌廉湯同埋餐包👍🏻食咗三包再食呢個面其實都幾飽🙌🏻
🔸原隻焗龍蝦意粉 $208
原隻焗龍蝦意粉
$208
11 瀏覽
0 讚好
0 留言
我哋係加咗錢叫套餐+$48，因為可以包埋餐湯同埋餐包。仲可以免費叫一杯嘢飲，我就叫咗凍奶茶🥤同平時茶餐廳嘅凍奶茶差唔多。不過呢個龍蝦意粉就犀利了😻一上枱嘅時候隻碟已經好大，意粉嘅上面有一嚿龍蝦肉🤫仲有巨型龍蝦殼。初頭我以為蝦殼入邊係冇用嘅攞嚟擺盆，原來入邊係有肉㗎😱呢個感覺幾抵食。龍蝦汁好多，意粉易煮得條條分明非常掛汁😙下次會再食😝
🔸蜜桃梳打 $12
有小量蜜桃肉，甜甜地嘅糖水配上左梳打🍑蜜桃果香更濃厚，不錯哦😉
🔸芝士肉醬薯條 $58
薯條都係巨型份量，有蕃茄肉醬但係唔會太多汁，唔會搞到啲薯條淋晒。食到尾都仲係脆卜卜😏仲要可以拉絲添😚
評分時間❣️ (最多五顆星，如不推薦會打交叉）
食物質素⭐️⭐️⭐️⭐️
環境⭐️⭐️⭐️⭐️⭐️
服務質素⭐️⭐️⭐️⭐️
價錢💸:埋單$689
餐廳資料📋: Couple's Kitchen
🕌地址: 元朗教育路63-69號福照樓地下2-3號舖
張貼
