影片
更多
2014-02-03
1057 瀏覽
以前成日去Suzuki 的確充滿童年(?)回憶 不過佢地最近一間間執笠想食下都難. 今日4點幾同老公兩個拍拖周圍亂度反而俾我撞到一間 二話不說即刻拉老公上去懷愐吓.大門見到有tea set供應 諗住少少地食返個甜品tea. 入到去環境唔錯, 大落地窗夠光 傢俱擺設簡約舒服 而且夠乾淨, 侍應笑容足而且反應相當俐落 overall感覺唔錯. 一望tea set餐牌, 咦 點解得2個甜品？上面十幾個選擇都係迷你飯 熱狗薯條 同烏東, 全部都唔啱我地口味. 最後發現佢地個主餐牌都係冇乜甜品, 眀顯唔係主打, 所以決定點D沙拉意粉開心share.一落好單 唔洗2分鐘沙拉就上來喇. 有3大片煙三文魚 火箭菜 芒果 紅蘿蔔 牛油生菜, 色彩繽紛, 連對西餐特別嘴挑既法蘭西老公都好滿意讚一句 c'est jolie! (好靚噃!) 味道非常唔錯 食得出材料夠新鮮.食唔夠2啖沙拉 連意粉都ready喇. Suzuki既光速上餐真係令我意外. 一開始黑松露香味略略有點兒嗆 不過一入口又非常美味 汁又多又香 重有溫泉蛋同好多火腿. 我同老公好快就KO左佢. 一般我地都好怕食唔正宗既地方菜或者所謂fusi
以前成日去Suzuki 的確充滿童年(?)回憶 不過佢地最近一間間執笠想食下都難. 今日4點幾同老公兩個拍拖周圍亂度反而俾我撞到一間 二話不說即刻拉老公上去懷愐吓.
大門見到有tea set供應 諗住少少地食返個甜品tea. 入到去環境唔錯, 大落地窗夠光 傢俱擺設簡約舒服 而且夠乾淨, 侍應笑容足而且反應相當俐落 overall感覺唔錯.
一望tea set餐牌, 咦 點解得2個甜品？上面十幾個選擇都係迷你飯 熱狗薯條 同烏東, 全部都唔啱我地口味. 最後發現佢地個主餐牌都係冇乜甜品, 眀顯唔係主打, 所以決定點D沙拉意粉開心share.
一落好單 唔洗2分鐘沙拉就上來喇. 有3大片煙三文魚 火箭菜 芒果 紅蘿蔔 牛油生菜, 色彩繽紛, 連對西餐特別嘴挑既法蘭西老公都好滿意讚一句 c'est jolie! (好靚噃!) 味道非常唔錯 食得出材料夠新鮮.
食唔夠2啖沙拉 連意粉都ready喇. Suzuki既光速上餐真係令我意外. 一開始黑松露香味略略有點兒嗆 不過一入口又非常美味 汁又多又香 重有溫泉蛋同好多火腿. 我同老公好快就KO左佢.
一般我地都好怕食唔正宗既地方菜或者所謂fusion, 唯獨日式既西餐我真心覺得 "正!"
張貼
