歐意餐廳 (已結業)

係上水，要搵一間平，CP值高嘅餐廳，除咗舊墟，除左平民小店之外，大熱天氣下，想係商場入面食一間平，有返咁上下水準餐廳，我會去推介依一間，首先，上水商場好多係化妝品，珠寶，電器產品，已經好少餐廳比我地揀，要食多數得返屋村商場，應該好多上水人都明白。彩園村地點係火車站陣隔離，一般依個時候好多人會係上水踩完單車，再去食野，所以地點上方便其他人。今次我同朋友約左係大家附近食，所以出現今次依一篇評語食果陣係TEA TIME，人一定係比平時多，又咁啱學生開始復課，所以要等一陣位，唔緊要啦，上水人習慣咗⋯⋯依一次叫咗 南乳豬手飯 同 照燒雞扒胡麻冷麵食物上，因為繁忙時間，食物會即刻落，好快出到，所以唔會等好耐，味道亦都因為即整關係，已經加分，又唔會因為凍令到啲汁凝固，再加上豬手好 “林”，所以我會比高分朋友個冷麵，不過不失上水人可以試下