海龍王餐廳

營業中

休息中

由換左金卡第一次入場，婆婆就已經話要食個Tea Set架啦；但之前既時間都唔係咁岩。今日團拜飲完茶，因為都係港島區，就入去海洋公園行個轉，食個Tea先回家啦。一開始我地係搭左纜車上山頂，想係冰極餐廳度食Tea的；因為上次去左海龍王啦嘛，今次咪去睇企鵝囉。點知企鵝餐廳今日冇Tea食喎佢話今日得海龍王有TeaSet食咋，早知就唔駛上山頂啦；今日重要又熱又晒。去到海龍王餐廳，完全唔駛等位，直入，重要有得揀可以坐魚缸邊或卡位。咁去得海龍王餐廳，就當然都係坐近缸邊邊睇魚邊食Tea啦。婆婆想食左好耐既Tea Set，其實，係個籠好靚囉；實在個Tea Set內容得好少，份量好少。食環境多D，298一個Tea Set出面好多餐廳Cafe都做得好過佢好多，內容同份量都會多好多囉。而且炸雞係凍的，少少暖都冇；實在麻麻。成個Set最好味我覺得係件朱古力蛋糕。凍檸茶，熱檸水；冇得彈，重好環保，飲管係紙造的。唔好處係，小朋友咬完支飲管真係飲唔到囉。因為有金卡，折實再加一大約280左右，唯起一個人140蚊囉。係唔貴，不過亦都真係唔抵。Tea Set冇下次，過左癮就算。