Uncle Tetsu's Cheesecake (已結業)

之前係大阪食過，果時特登等出爐熱辣辣，望住職員級印仔落個蛋糕上面，萬般期待！食落口軟綿綿濃郁芝士軟身蛋糕，好～好～味～啊！ 香港竟然開咗專門店，當然要試吓啦！重拾返個種味道吖麻！嗰日落雨見到竟然冇人排隊，即刻九秒九入去買返個先！蛋糕用紙盒裝住, 就有個靚靚紙袋袋住，紙袋上面印住Tetsu叔叔嘅大嘜頭，未食見到都已經好開心 返到屋企放咗入雪櫃，第2日早餐拎出嚟嘆好正，超香芝士蛋糕，超鬆軟。 個蛋糕唔係好大，大約6寸左右，每人大約1/4個岩岩好。蛋糕都幾厚身下，有大約5cm咁高架. 個蛋糕嘅鬆軟程度就係拎住把刀唔洗點用力都切得開 蛋糕中間位置最溼潤最軟熟，海綿咁嘅質地真係大人細路都好岩食 食完唔會好漏, 甜度剛剛好~同埋原來凍食都唔錯架！不得不提凍食蛋糕密度高D但都唔會變實~依然保持都咁輕盈咁口感 不過比較起上泥, 我個人認為都係熱食最滿足都嗅覺同味覺雙重要求 切開後睇到打麵漿嘅時間打入嘅氣泡分怖平均，望落去好似海綿蛋糕，但咬落芝士味先係重點 非常可愛嘅徹司爺爺 （好似老夫子呀 ）係香港都有得食已經好開心  而已$59價錢都算合理。