Woodsage

營業中

休息中

因為環境幾靚，所以揀左Woodsage同好姊妹食Lunch傾計👭。佢既門面靚，但好唔顯眼。 我地行過兩次都見佢唔到... 🤣🤣大家要記得認真望清楚😊原來Woodsage主打泰國Fusion菜。元朗無乜，幾特別，幾新穎，所以我地都點左同泰國有關既菜式。前菜： 泰式生蝦🦐生蝦賣相幾靚既，但生蝦就唔算好新鮮。如果成隻蝦沾滿泰式青檸汁食，就可以去除「蝦味」。腸胃唔好既朋友仔，免食生野為妙。另外，可能因為係fusion菜既關係，特製青檸汁唔會好似一般泰國餐廳個d咁辣，好似無左應有既風味。（個人比較喜歡傳統泰式生蝦醬汁。）小食： 黑松露芝士薯條🍟呢個薯條真係要試。薯條切得幼（似M記個d)，炸得幾脆，再加埋黑松露醬，好正👍🏻👍🏻 個黑松露醬係重點，真係好好味，我地全部沾晒😂😂。 主食：青咖哩雞肉意大利飯賣相靚，份量少。由於佢太creamy, 太膩，食完其實都夠飽肚。蔬菜類有鮮味，好食，但雞肉味道就一般，有少少雞腥味。撈左青咖哩既意大利飯，如果青咖哩既味道再濃郁d，整道菜既味道都會即時提升。試食報告：可以再次光顧，但唔會再叫生野，亦唔會點Thai fusion既菜式。