美味泰烏冬

營業中

休息中

11月頭飛左轉心心念念既泰國，食足5日泰菜，我以為自己會食厭，結果翻到香港又再食🤣🤣🤣九龍城食泰菜食過咁多間都唔差，原本見到呢間以為係食烏冬，佢鋪頭名叫泰烏冬，好難唔令人誤會😂原來都係食泰菜，鋪頭職員都係泰國人，夠地道🤭嗌左3個餸 #泰式豬頸肉沙律 個姐姐話呢個係佢哋招牌，果然無錯，一定要試😋個汁酸辣酸辣，仲有生菜可以包住食，豬頸肉燒得好香，俾我清曬！#炒芥蘭 就ok啦，不過不失，正常水準，仲嗌左個 #炸蝦餅 🍤呢個正，新鮮熱辣辣炸起，又脆啲肉又彈牙！飲品嗌左杯 #泰奶 唔係甜到溜個隻，茶味都啱啱好，怕飲好甜既泰奶呢度絶對啱你🤭 #芒果沙冰 都唔錯，應該無落糖，係純果糖😋