The Butchers Club (已結業)

係中環返工，周圍搵食，係大排檔隔離，無意之間見到一間好隱蔽嘅漢堡包店。裝修好外國風，有吧枱，星期五既lunch 出奇地吾洗排隊！就試下你喇，一試愛上！係中環試左無數間burger, 發現呢間真係好好食，我睇住個廚師喺度煎塊牛漢堡，即叫即煎 好新鮮，個包唔係好大食落啱啱好，塊漢堡牛好厚身，好Juicy，有濃郁既牛味，咬一啖啲牛汁已經爆滿！配上青瓜煙肉同特製嘅醬汁，食落唔係好膩。另外，塊漢堡包有煎過，食落好香口。佢個Lunch set 有埋薯條，份量一般，呢隻粗身薯條 炸得好香口。