影片
更多
2010-02-23
4204 瀏覽
一年一度我們各表親既新年聚會又黎啦. 今年, 由我表姐發版, 帶我們來到位於京士柏的會所街. 是次進入的, 叫做三軍會.京士柏呢個山仔, 就近何文田豪宅區, 向來出入既人士, 都是非富則貴. 而呢D佔地多多既私人會所, 有不少高尚既Sport Faciliuties, 如木球, 網球, 壁球, 桌球等等, 也許是上手英僑民留下來的小玩意, 係繁雜既市區, 來一個興世隔絕, 鬧市綠洲的園景悠閒地方. 個Club說自己是 Hong Kong's Best Kept Secret.....基本上, 呢一區幾個Club, 皆是也.之前個Club安排了一個area俾我地玩, 亦有小食供應. 不過, 我們遲來, 故難以點評. 本以為食飯就在我們打麻雀娛樂玩耍的地方, 後來才知道, 全人類要移玉步到Dining Hall, 享用是日的中式晚宴.大家都想知道今晚食乜是吧? 未開始點評時, 先把是晚菜單列出來, 如下:潮粵四小碟 (薑茸四季豆, 海浙粉皮, 香蒜鴨片, 京素脆鱔)碧綠金銀鮮蝦球百花釀蟹鉗竹笙瑤柱鴨絲羹發財金錢好事清蒸大海班當紅炸子雞金蒜蛋青海鮮炒飯蟹肉干燒伊麵另為齋妹叫的雜菜炒飯琵琶豆腐
京士柏呢個山仔, 就近何文田豪宅區, 向來出入既人士, 都是非富則貴. 而呢D佔地多多既私人會所, 有不少高尚既Sport Faciliuties, 如木球, 網球, 壁球, 桌球等等, 也許是上手英僑民留下來的小玩意, 係繁雜既市區, 來一個興世隔絕, 鬧市綠洲的園景悠閒地方. 個Club說自己是 Hong Kong's Best Kept Secret.....基本上, 呢一區幾個Club, 皆是也.
之前個Club安排了一個area俾我地玩, 亦有小食供應. 不過, 我們遲來, 故難以點評. 本以為食飯就在我們打麻雀娛樂玩耍的地方, 後來才知道, 全人類要移玉步到Dining Hall, 享用是日的中式晚宴.
大家都想知道今晚食乜是吧? 未開始點評時, 先把是晚菜單列出來, 如下:
潮粵四小碟 (薑茸四季豆, 海浙粉皮, 香蒜鴨片, 京素脆鱔)
碧綠金銀鮮蝦球
百花釀蟹鉗
竹笙瑤柱鴨絲羹
發財金錢好事
清蒸大海班
當紅炸子雞
金蒜蛋青海鮮炒飯
蟹肉干燒伊麵
另為齋妹叫的
雜菜炒飯
琵琶豆腐
潮粵四小碟, 四碟也是涼點. 薑茸四季豆, 味道清淡的一個涼點. 不過涼得黎有點冷, 薑味是有的, 但不重. 唔會話辣親你. 海浙粉皮, 味道好, 有麻香, 不過麻香不是來自芝麻醬, 而是麻油. 始終覺得要用芝麻醬才配得起粉皮, 但海浙又的確是要用麻油才香.....兩者有茅盾. 香蒜鴨片, 蒜味是有的, 不過鴨肉就非常非常之淡口, 說是潮粵小點, 也許這淡淡的味道, 就是所謂的潮味. 京素脆鱔, 算是四碟中最好的, 不過處理過程落了蒜頭, 雖是素但含辛, 齋妹只好一拒. 可能是重蒜味的關係, 味道非常香口, 而且素膳, 不是在外面買回來的素肉, 而是用冬菇邊, 再加炸粉弄成. 不錯. 名字叫潮粵, 實際上是京北口味.....
碧綠金銀鮮蝦球, 一個炒, 一個炸, 再用西蘭花襯托. 淡味的伴菜能突顯蝦球的鮮味. 炒蝦球爽甜, 味道不賴. 炸的蝦球, 有少少嫌個粉太厚. 不過濃濃的, 夠惹味既.
百花釀蟹鉗, 這個東東一定要熱食才行, 熱辣辣咬下去, 蟹味夠重, 而且蟹鉗夠巨. 不是美味不美味的問題, 而是值唔值回票價的問題.
竹笙瑤柱鴨絲羹, 不吃魚翅, 就來個鴨絮羹. 味道, 當然比起魚翅濃郁得多, 煲出來, 真的有如魚翅般. 只是味道濃烈. 我慣常加點醋去食, 叫侍應入廚房拿醋, 給的是黑醋. 不過, 個鴨絲羹實在太濃, 加了醋也沒有醋味.
發財金錢好事, 過年嘛, 出去食乜食物, 叫得春茗團年團拜一定有的意頭餸. 蠔汁落得好夠, 蠔豉夠乾身味道夠. 扣出黎的冬菇, 生菜, 沾滿蠔汁. 發菜, 正宗的髮菜已經買少見少, 而家食, 一是海草仿製, 二是粟米絲仿製. 不過都係為意頭而食, 食完會否個個發大財, 做生意的會否日日好市呢.....發財好事....好事日日來.
清蒸大海班, 叫套餐, 實有蒸魚呢個環節. 條魚的確是新鮮爽口. 不過失色的是蒸得過了少少. 其實呢, 我完全食唔出佢蒸老左, 食石斑不督是這些味道嗎? 而且豉油夠甜既. 蒸魚, 沒有大失手.
炸子雞, 永遠的尾聲, 永遠都是包走食的, 尚有胃力的我, 當然小試一兩舊. 雞味, 是有的, 而且亦夠肥大. 炸得不乾已經叫好好了.
炒麵同飯都同樣的, 可以叫做不錯. 金蒜蛋青海鮮炒飯, 是純用蛋白去炒的飯. 有適量的蒜香, 不太油而夠味, 不錯的. 蟹肉干燒伊麵也一樣不錯, 不太咸. 不太酒就行了.
因為套餐沒有素食, 故另叫幾味給我的可人兒. 點下了一個琵琶豆腐 同 一客炒飯出黎. 琵琶豆腐, 廚房好醒目的把汁同豆腐分開. 食豆腐, 用幾多汁, 完全是隨意, 出來的味道不錯. 但, 始終都是不煮慣素食的廚師, 油, 落得勁多, 同沒有走蔥, 幸好只係個汁有少許. 炒飯, 更油, 而且又是落了蔥炒, 發現了才叫廚房整過. 整本上炒得係幾靚既, 不過始終係油.
Private Club, 不過覺得到唔係咁Private, 因為食飯時冇得間房, 自成一角, 其他有什麼不善, 就可說是中菜味道只是一般多少少. 表姐說, 呢度有個印度廚, 咖喱非常出色, 來日閒時再找她, 帶我們入去再試吧.
張貼
