The Coffee Academics (市場街) (已結業)

假日與友人帶同寵物到西貢遊玩。-咖啡店位於市場街街頭位置，顯眼，易搵。咖啡店設計舊式復古感覺，有淺紅色磚牆，開放式咖啡機吧枱，有甜品櫃，入座率約3成，有室內同戶外位置，好多空桌冇人執枱，人手不足。餐牌有咖啡、主食、甜品供應，多元化，店員服務一般，冇乜禮貌。-是次體驗係外賣自取。-紐西蘭麥蘆卡蜂蜜鮮奶咖啡 $62 （凍）份量正常，咖啡有明顯漸層，底部有蜂蜜，攪唔融變成一嚿嚿，甜得唔均勻，一啖好甜，一啖唔甜嘅咖啡，蜂蜜份量多，幾香甜，有粉粒狀，唔滑，同想像中有出入，鮮奶咖啡香濃唔酸，帶奶香，唔錯。-咖啡店定價進取，店員態度可再改善，性價比低。題外話：蜂蜜咖啡有提供熱飲，如果將蜂蜜以熱水沖泡，高溫容易破壞蜂蜜嘅營養價值。