牛気 (The ONE)

營業中

休息中

THEONE 牛氣邊爐同男朋友，收工左行右行，最後都係決定打邊爐。叫左普通嚴選美國牛肩肉，每人＄188，豬肉，雞肉都可任點。我地揀左黑蒜豬骨湯，好似丁面果蒜味湯底。嚴選美國牛肩肉真心普通，比肥牛仲一般。。。好韌，吾算太有牛味。豬肉，雞肉都係正常野。自助區都係基本打邊勞料，腸仔，粟米，豆腐，丸類，菜類。比普通日式邊勞多小小既係有沙律自助區，有我喜歡的日本小紫薯。打完邊勞，店主提我地LIKE一LIKE佢地PAGE有雪糕送，雪糕係MOVENPICK，我地揀左士多啤梨味同咖啡味。可能我地揀最普通既牛肉餐，咁質量當然一般，不過值得一提既係，店員態度好，有禮貌，上肉都好快，呢個真心讚。