小時光 (已結業)

已經幫襯過小時光好幾次啦，仲記得第一次幫襯的時候已經係8年前，時間過得好快，好彩小時光的野食質素比之前進步左好多。不過餐廳位置有D難搵，如果好似我地咁同朋友傾到好夜，然後大廈前門關左，一定要行返對面的工廈，再搭返lift落去正門出返去。一入到去餐廳，懷舊的裝修，單行紙menu、木顏色筆筷子、各式各類的文宣，仲有好似food court的點餐形式，而且價錢有良心，真係好似返返去以前中學的時代。1.香酥雞湯麵鹽酥雞份量好大，size大概係一塊豪大大雞扒咁，鹽酥雞炸得好酥脆、好入味，一定要試食! 2.台式醉雞冷麵未到夏天已經覺得夏日炎炎，好想食凍野，所以第一時間叫左冷麵，估唔到醉雞咁有驚喜。台式醉雞的第一啖已經有濃濃的酒味，而且D雞滑嘟嘟，夏天食岩哂。