雪吧餐廳 (已結業)

尖東有好多唔同類型嘅酒吧，而呢間位於河內道嘅西式酒吧，啱晒我同朋友睇球賽直播，裏面仲有飛鏢同骰盎玩。為咗方便客人送酒，餐廳每台亦會送上花生比客人享用，份量仲好十足添。呢度真係好多嘢食喎！首先食咗日式炸雞，佢好juicy，啖啖肉，上枱時重熱辣辣！睇得出真係即叫即煮架！仲有芝士煙肉焗大蘑菇，望個賣相已經流晒口水，蘑菇好多汁，而且加埋芝士同埋煙肉好香呀！再加埋香草番茄醬肉丸，番茄醬用左新鮮蕃茄製成，好開胃呀。成晚流流長食住美食嘆住cocktail，非常愉快。