The Coffeeology (已結業)

呢間cafe最出名嘅甜品係Tiramisu，咁岩去時代廣場個邊行街就順便試下。當日係公眾假期嘅下午茶時間，因為鋪頭入面嘅位置太少，所以都排咗差唔多半個鐘先入到去食，但係我前排假期同樣時間經過間鋪，係無人排隊，所以洗唔洗排隊都幾睇彩數。1. Tiramisu 雖然係用咗成半個鐘先食到，但係都覺得好值得。Tiramisu cheese嘅部份望落好挺身，但食落好軟滑；酒同咖啡嘅味道亦配搭得宜，甜度適中。我平時食tiramisu 好驚啲手指餅浸咖啡浸到太濕，但係coffeeology 嘅tiramisu 就浸到岩岩好。因為佢都幾大件下，建議大家同人share食，一個人食哂會太膩。2. Matcha / Hojicha Latte兩杯飲品嘅拉花係海馬圖案，做得好精緻，好適合打卡（根據朋友嘅觀察，情侶叫熱飲嘅拉花圖案會變咗係心心）；個人覺得飲品嘅味道中規中矩，hojicha 個杯嘅茶味比較淡，奶嘅味道比茶味濃；如果真係要二簡一，個人比較建議叫matcha latte。