紅葉茶屋 (奧海城二期)

營業中

休息中

又係成日幫襯既餐廳，因為係屋企附近。貪佢唔使book位定食又有得免費添飯～設施方面有啲舊，櫈同啲托盤都睇得出經過時間既洗禮，算係求其食餐飯既好去處。今次我壽喜燒個賣相真係好一般，一舊野咁。男朋友叫既A4黑毛和牛就正常好多。味道無咩特別，不過啲菜真係好一般，好硬～似白烚左一陣就放落去～其實我就唔覺得值依個價。今次叫埋個甜品Tiramisu ，反而我幾中意。佢唔係傳統手指餅既整法，質感亦比較硬身，蛋糕底～雖然唔係authentic 不過岩我口味所以我覺得好食！同埋我中意佢個presentation，好整齊既感覺，推介！