蕃廚 (已結業)

呢幾日，一直留意住蕃廚嘅網頁，今日終於畀我捕到，即時落單，留一份做晚餐，跟住直接衝去西九。去到先講低想幾點攞，畀埋自備膠盒佢哋裝，跟住就慢條斯理咁，睇下想食啲乜野做午餐啦！到咗約定時間，就過返去攞我嘅晚飯，佢哋唔單止用料豐富，仲幫我砌番好隻蟹，好靚仔呀！之後食嘅時候，身邊啲人見到，都忍唔住話好吸引、好正噃，喺邊度買㗎？如果唔係自備飯盒嘅話，佢哋係一盒過裝嘅，真係好鬼死靚仔囉！而家，雖然將蟹同埋飯分開，但係，不論食物嘅質素、味道、分量，依然都冇 hea 我，真不枉我捕住佢哋嘅網頁呀！只可惜，是日精選通常都冇咁早有得食，但佢其他食物我有食過，認為都係值得幫襯嘅。大家有時間，就唔好錯過呢啲，隱藏喺美食廣場內嘅小店啦！😋💖😍👍🏻🦀😋💖😍👍🏻🦀