大食代 (已結業)

晚上一人在太古一帶揾食都幾傷腦筋，大食代food court啱晒我，平平地有交易！行左幾個圏，被 Tomato Club 店員既叫賣聲吸引左，仲見佢地放左個"真Set"出黎，炸豬手+蕃茄湯螺絲粉， 個樣好靚，腦袋主使我去order返一set。~蕃茄湯螺絲粉~賣相都好得，深不見底的大碗，湯夠酸夠濃，蕃茄味濃，都幾多蕃茄碎，螺絲粉軟硬適中。個炒蛋好香好滑，唔知係味用牛奶炒，我沒有深究了。~炸豬手~不姑寒，大大的兩大舊，即炸，非常熱！睇見啲豬皮仲跳跳下！ 炸得幾好，霖身，切開也唔乾身，附送的黃芥醬是甜甜的，同豬手好夾。我放了少許豬手入蕃茄湯中，浸住食吸晒蕃茄湯，感覺無咁熱氣，而且豬手再霖身啲！這個餐夠晒份量，細食的人兩個share都可以。美中無足係唔包飲品，要錢再買