影片
更多
2015-04-25
2056 瀏覽
Tonkachi 丼吉曾經係吉列豬扒的始祖但食吉列豬扒的風氣這陣子好像有減淡的現象不過Tonkachi 繼續係尖沙咀赫德道地牢開左呢間日本料理とん勝Japanese Cuisine Tonkachi餐廳裝修有別於其他分店，燈光比較光猛，但亦以日西式的設計為主，座位都好寬敞舒服~ TONKACHI 丼吉再開分店, 原來除左一直都好出名的吉列豬扒外，原來仲有至HIT 的日本涮涮鍋而且其中既薑飃香涮涮鍋更是店中最受歡迎的第一名呀。而且呢度仲有唔少涮涮鍋定食套餐，可以一次過食哂店中的皇牌食物~ 入到黎店鋪，最注目的仲有呢D酒櫃~呢度既DRINK LIST 都唔少野，比起平時既食肆真係多好多~而且仲有好詳細既介紹同分析~ 價錢都好相宜~平時比較少地方係專飲日本清酒，所以如果鐘意飲，呢度都係一個好地方黎~不過尼，我都係鐘意食多D~ XD 呢度既擺設同平時既日式餐廳差唔多~食豬扒，醬汁通常都好多~ 呢度主要有2隻汁豬扒汁同日式芝麻醬~ 我囡超鐘意個芝麻醬，連食飯都要加埋落去~不過裝豬扒汁個白色樽邊痴住一撻撻醬，有少少唔開胃~XD 有小朋友餐具，通常我都會加分。起碼呢D心思係值得表揚嘛~ 呢間TONK
Tonkachi 丼吉曾經係吉列豬扒的始祖
但食吉列豬扒的風氣這陣子好像有減淡的現象
不過Tonkachi 繼續係尖沙咀赫德道地牢開左呢間
日本料理とん勝
Japanese Cuisine Tonkachi
餐廳裝修有別於其他分店，燈光比較光猛，但亦以日西式的設計為主，座位都好寬敞舒服~ TONKACHI 丼吉再開分店, 原來除左一直都好出名的吉列豬扒外，原來仲有至HIT 的日本涮涮鍋
而且其中既薑飃香涮涮鍋更是店中最受歡迎的第一名呀。
而且呢度仲有唔少涮涮鍋定食套餐，可以一次過食哂店中的皇牌食物~ 入到黎店鋪，最注目的仲有呢D酒櫃~
呢度既DRINK LIST 都唔少野，比起平時既食肆真係多好多~而且仲有好詳細既介紹同分析~ 價錢都好相宜~平時比較少地方係專飲日本清酒，所以如果鐘意飲，呢度都係一個好地方黎~不過尼，我都係鐘意食多D~ XD
呢度既擺設同平時既日式餐廳差唔多~
食豬扒，醬汁通常都好多~ 呢度主要有2隻汁
豬扒汁同日式芝麻醬~ 我囡超鐘意個芝麻醬，連食飯都要加埋落去~
不過裝豬扒汁個白色樽邊痴住一撻撻醬，有少少唔開胃~XD
有小朋友餐具，通常我都會加分。起碼呢D心思係值得表揚嘛~ 呢間TONKACHI 比起其他分店走的路線有少少唔同，價錢親民左好多，食物種類都多好多~
除左有涮涮鍋都有幾款~ 仲有刺身壽司~
就連前菜，漬物都有唔少選擇，當然仲有著名的吉列豬扒~ 套餐由80蚊起咋~2大人，一小孩，叫左一個2人份的薑飃香黑豚涮涮鍋~
2人份包括一個姜味的湯底，一盤蔬菜 (有豆腐，生菜，紅蘿蔔，鮮冬菇同金菇) 當然，仲要主角~
2盤鹿兒島黑豚肉~
就咁睇2隻肉好似有D唔同~ 一隻厚D，一隻薄身D
問過經理，原來2隻肉都係肩肉黎~
因為薄切的關係，放係水度一陣就熟哂啦~厚切的肩肉反而肉質好嫩滑，而薄切反而有肉既質感，真係估佢唔到~
第一眼覺得點解咁多肥膏，但淥熟後D肥膏變得超爽口~
配合姜湯的湯底，就算唔使加醬汁都已經好夠味~ 沾左醬反而會蓋過左，食唔到豬肉的鮮味~
雖然話係姜湯，但只有好少姜既香味，完全無姜的辛辣，所以小朋友都可放心食用。
2人餐的份量其實唔算多，佢都有唔少另加款目俾你揀，好似加飯，加菜，加肉等。
我建議可另加錢加烏冬，食埋個湯底嘛~XD
不過我呢就叫多左一個定食
因為我要試埋呢度既吉列豬扒嘛~XD
呢個係蘿蔔蓉吉列豬柳御膳。比平時既吉列豬扒多左一 PAT 蘿蔔蓉~咁就貴左20蚊~ 呢度既吉列豬柳同其他分店好似有少少唔同~
用左麵包糠代替炸漿。 我個人就幾鐘意，因為炸漿覺得有D硬，麵包糠反而感覺鬆化D ~
豬柳肉質好嫩滑，無根無渣，阿囡食唔停口~ 小朋友無咩牙力都食得到~
同平時既吉列定食一樣，有齊椰菜沙律，小食，白飯，湯同芝麻~ ~
芝麻有黑白兩溝，不過可能無炒到好勁，芝麻香味不太大。
椰菜用全白椰菜，感覺無咁爽脆，仲有少少硬添。
白飯感覺水多左少少，太綿了。
湯就比較有驚喜，唔是一般開的麵鼓湯，係煲過既，仲有唔少料添~ 至於貴左20蚊的蘿蔔蓉，配上呢個酸酸既醬汁，作用就好似平時食天婦羅咁，可以清清味蕾再繼續~
不過加埋落個豬柳度，好似作用不大。叫番普通吉列豬柳定食好似抵D~
成晚最雷就係呢個抺茶奶，成38蚊，但只得奶味，完全無抺茶味~
真係差差差~ ><
呢間TONKACHI 不論裝修，食物，價錢比起之前的鋪好似都有D唔同~感覺價錢平了，質量都低了少少。
當然，如果以80蚊一個定食，係尖沙咀區，還是一個很不錯的選擇~
當晚唔使等位，而且更是無限時間，唔使食到趕頭趕命~
呢度主打食涮涮鍋，無限時間真係好重要~
最近店鋪招收會員中
只要惠顧3次 (不限金額)就可以做會員~
會員優惠是成年食飯有85折呀~
下次約朋友係尖咀食飯又唔想排隊同人迫，呢度真係一個唔錯既選擇~
題外話/補充資料：
廁所感覺干淨，但有陣怪怪的味~
待應態度好好，很有禮貌，就算有小朋友多多要求都無黑面，讚呀~
(以上食評乃用戶個人意見 , 並不代表OpenRice之觀點。)
張貼
