Bondi (已結業)

早前朋友轉了在觀塘返工，於是我們四個女生的小聚，便由她介紹去了觀塘的 Bondi 食晚飯。原來 Bondi 是位於工廠大廈的停車場入面，說實在真的不太覺眼，像我已經闊別觀塘多年，差點兒行過龍，幸好有 google map 帶路下才不致於蕩失路。餐廳裡座位都很多，地方很大，雖然燈光較黑暗，但都坐得幾舒服。說實在餐牌的選擇不算很多，只是每一碟的賣相都經過精心設計和舖排，望落去都幾吸引，尤其係而家 d 相機好鍾意食野，俾佢地食左先就最易呃 like。酥皮蟹肉盒子沙律，餐牌話就話係前菜，不過細細件，賣相似甜品多些。件酥皮都幾鬆脆，蟹肉都幾好味，不過义住塊餅，餅底就甩出黎，之後要用义拮番件餅底，真係有點麻煩。炸魚薯條，大家都一致認為好味的，薯條長長又很粗切，外面十分香脆而裡面留有薯仔的軟稔，炸魚柳肉質都幾香嫩。馬來喇沙雞絲扁意粉，上面那 pat 泡泡真係古靈精怪，問過侍應他說那是份子泡泡，我嚐過那些泡泡，只是覺得味道很古怪。雖說是喇沙，但恕我實在吃不出有什麼喇沙味，雞絲份量也很少，意粉也煮得稍為稔身一點。香煎精選魚柳配紅椒汁，本來件魚柳肉質都好稔好嫩，加埋鹹鹹地的魚子都為味蕾帶來畫龍點睛的效果，