影片
更多
2020-05-13
416 瀏覽
今日嚟到呢一間走中高檔路線嘅火鍋店，佢並唔係任飲任食嗰隻，只係重慶黎既過江龍。佢嘅裝修亦都係主打木材簡約路線，同一般嘅火鍋店好唔同。未食火鍋之前會先送上一碗熱辣辣嘅雪耳紅棗糖水，係食熱氣野之前先俾你潤一潤，好窩心。菜單嘅選擇亦都好多，由唔同部位嘅肉類，去到各式各樣嘅蔬菜都一應俱全，無論你係鍾意食肉定食菜都一定滿足到你要求。我哋選擇咗一個普通辣拼蕃茄湯底，唔好以為普通辣好小事，絕對有我哋平時食雞煲中辣既程度！麻辣湯底個面嗰一層油係牛油，所以食落有少少騷味，但係配搭肉類或者唔吸湯既食材就啱啱好啦。介紹吓今晚叫咗比較特別嘅食材：第一樣係麻辣牛肉。佢係喺一塊塊嫩牛肉片上面再加左好大量嘅麻辣醃料，再放埋落個麻辣湯度煮，真係辣上加辣，不過食得辣嘅人就會覺得好爽！另一樣係大刀牛肝，平時食豬膶食得多，好少會食牛肝。其實牛肝同豬潤嘅口感非常相似，不過我覺得牛肝味道比較淡，仲好食過豬膶添！內臟部位亦都係推介放落麻辣湯底度煮。之後就係蔬菜類，今日比較推介嘅係功夫萵筍片，同埋鮮炸豆皮。兩樣都係食口感而且煮好短時間就食得嘅材料，萵筍片同兩個湯底都好夾，因為佢批到好薄，所以口感一流。相反個豆皮就好脆，做到響鈴嗰個
未食火鍋之前會先送上一碗熱辣辣嘅雪耳紅棗糖水，係食熱氣野之前先俾你潤一潤，好窩心。
菜單嘅選擇亦都好多，由唔同部位嘅肉類，去到各式各樣嘅蔬菜都一應俱全，無論你係鍾意食肉定食菜都一定滿足到你要求。
我哋選擇咗一個普通辣拼蕃茄湯底，唔好以為普通辣好小事，絕對有我哋平時食雞煲中辣既程度！麻辣湯底個面嗰一層油係牛油，所以食落有少少騷味，但係配搭肉類或者唔吸湯既食材就啱啱好啦。
介紹吓今晚叫咗比較特別嘅食材：第一樣係麻辣牛肉。佢係喺一塊塊嫩牛肉片上面再加左好大量嘅麻辣醃料，再放埋落個麻辣湯度煮，真係辣上加辣，不過食得辣嘅人就會覺得好爽！
另一樣係大刀牛肝，平時食豬膶食得多，好少會食牛肝。其實牛肝同豬潤嘅口感非常相似，不過我覺得牛肝味道比較淡，仲好食過豬膶添！內臟部位亦都係推介放落麻辣湯底度煮。
之後就係蔬菜類，今日比較推介嘅係功夫萵筍片，同埋鮮炸豆皮。兩樣都係食口感而且煮好短時間就食得嘅材料，萵筍片同兩個湯底都好夾，因為佢批到好薄，所以口感一流。相反個豆皮就好脆，做到響鈴嗰個效果。
嚟呢一間火鍋店食過幾次，暫時未有食到邊一樣野係中伏，所以覺得算高質，每次都係keep住五百幾蚊埋單。
張貼
