下站帖 (已結業)

今晚約左朋友去尖沙咀食飯，朋友話好口渴，所以就去左買野飲，今次試左新野，係加連威老道既下站帖，店有個小位置放杯野食係到影相，仲裝飾得好有新年氣氛。黑糖波霸厚醇奶 $30，朋友最愛黑糖珍珠鮮奶，最近好hit既店佢都試過，佢話呢杯真係好味，個奶好濃，似係純奶無溝水，黑糖珍珠好煙韌，唔太甜，佢飲完好滿足。霸沏滿爆鮮果 $35，而我唔鐘意飲奶，所以就叫左爆爆鮮果茶，呢杯好多生果，有蘋果、橙、青檸、百香果，飲落好清新，唔會好香精味，好解渴啊，飲既時候有d粒粒果肉，仲有d百香果核。