Triple O's by White Spot (希慎廣場) (已結業)

作為一間連鎖快餐店，Triple O 起價錢上的確係名列前茅，唔知味道同份量有冇因為價錢而有相對嘅提升呢？Food Court 起十二點十分唔算多人，有大約一半嘅位置都係空位。一個漢堡包，跟奶昔同薯條，埋單計數一百蚊找一蚊雞。話就話係快餐店，個餐都等左成十分鐘先有得食。Triple O 嘅漢堡包除咗貴之外有一個特色，就係佢嘅酸瓜會放漢堡包嘅外面，唔鍾意可以唔放入去個包入邊。我覺得放咗好食好多，酸瓜令到每一啖嘅口感更加豐富，而且更加多汁，佢嘅酸味意想不到地好食。薯條係一大敗筆，唔脆，好軟，唔好食。我會建議大家試吓加錢換洋蔥圈。雲呢拿奶昔好重雲呢拿味同埋奶味，好飲。