熱沙咖啡 (已搬遷) 新店位置

假期都馬灣去玩，喺馬灣大街嗰度搵咗呢間餐廳食。入去呢間餐廳係因為比呢間餐廳嘅裝修吸引咗，裏面有熱沙咖啡，我當年去土耳其都有飲過。咖啡係苦嘅，但呢啲其實先係正宗嘅咖啡。我叫左一個素雞飯午餐，類似就係Kebabs嘅飯版本，上面有沙律醬、沙律菜、有腐竹或者腐皮炸香而成嘅雞肉，再配埋細細碗嘅飯。整體來講呢個午餐都算好健康，老闆娘非常健談，而且亦都非常之親切。食完之後就過對面馬路，搭巴士出返去葵芳，喺呢度有巴士出葵芳、荃灣、同埋青衣。交通來說尚算方便。